Главная » 2016 » თებერვალი » 18 » მარკ ცუკერბერგის მეუღლე, პრისცილა ჩანი (მილიარდერების ცოლები, ნაწილი I) ვიდეო
18:20
მარკ ცუკერბერგის მეუღლე, პრისცილა ჩანი (მილიარდერების ცოლები, ნაწილი I) ვიდეო

საზოგადოებაში მიღებულია მოსაზრება, რომ მილიარდერების ცოლები აუცილებლად გრძელფეხებიანები და განსაკუთრებული პარამეტრების მატარებლები უნდა იყვნენ, ამასთან მუდმივად უნდა ზრუნავდნენ საკუთარ ახალგაზრდობასა და მომხიბვლელობაზე გავლენიანი მეუღლის გამო. მაგრამ ნამდვილად ასეა? ამის გარკვევაში "პოპულარს.ჯის" მიერ შეგროვილი ეს ფოტოალბომი დაგეხმარებათ.  

 

 

 

 


ფეისბუქის დამფუძნებელი მარკ ცუკერბერგი და მისი მეუღლე პრისცილა ჩანი 

ვიდეო ვერსია


პრისცილა ჩანი თავისი უბრალო გარეგნობითა და ჩაცმულობით, არაექსცენტრიული ქცევებითა და არაძვირფასი საყიდლებით, საზოგადოების ყურადღებას ნამდვილად იქცევს.  მისი შეუხედავი გარეგნობის გამო, ალბათ ძალიან ბევრ ადამიანს უკვირს და აინტერესებს: "მარკ ცუკერბერგმა, მილიარდერმა, რატომ არ შეცვალა თავისი უნივერსიტეტის დროინდელი სიყვარული რომელიმე სუპერმოდელზე, მომღერალზე ან მსახიობზე?"   

 მარკ ცუკერბეგმა და პრისცილა ჩანმა ერთმანეთი ჰარვარდში სწავლის დროს, სტუდენტურ საღამოზე გაიცნეს. ბიოლოგიის ფაკულტეტის წარმატებით დამთავრების შემდეგ გოგონამ სწავლა კალიფორნიის უნივერსიტეტში, პედიატრიის განხრით გააგრძელა. ჩანმა ერთი წელი საჯარო სკოლაში პედაგოგადაც იმუშავა. საყვარელი ადამიანისგან ხელისა და გულის თხოვნას კი 9 წელი ელოდა. პრისცილა იყო ერთ-ერთი იმ პატარა ჯგუფის წარმომადგენელი, რომელიც მხარს უჭერდა Facebook-ის დამფუძნებელს სოციალურ ქსელზე მუშაობის დასაწყისიდანვე. 2010 წელს, 7-წლიანი ურთიერთობის მერე, ჩანი შეყვარებულთან გადავიდა საცხოვრებად. 


                                                                     


საკუთარ ნიშნობას წყვილი გულმოდგინედ მალავდა. საზოგადოებამ ამის შესახებ გვიან, კორპორაცია Microsoft-ის პრეზიდენტის ბილ გეიტსისგან გაიგო. ქორწილი ცუკერბერგის სახლში ჩატარდა. მას 100 სტუმარი ესწრებოდა. წყვილის გადაწყვეტილებით დღესასწაულმა საკმაოდ მოკრძალებულად ჩაიარა. 


                                                    


 

მიუხედავად იმისა, რომ ცუკერბერგის განკარგულებაში მილიარდებია, მისი მეუღლე გლამურობის, ბრილიანტებისა და დიზაინერების მიერ მოდურად შერჩეული სამოსის მიმართ გულგრილია. სამაგიეროდ, როგორც ჩანს დიდი გავლენა აქვს ქმრის ინტერესებსა და საქმიანობაზე.  სწორედ პრისცილას წყალობით ყველა ქსელის მომხმარებელ ამერიკელს შეუძლია გახდეს დონორი, ფეისბუქის ინტერფეისით დაადგინოს პირველივე უახლოესი საავადმყოფოს მისამართი და სისხლი ჩააბაროს. 


                                                   



2015 წლის 1 დეკემბერს პრისცილა ჩენმა მარკ ცუკერბერგს გოგონა გაუჩინა, რომელსაც უჩვეულო სახელი _ მაქსი დაარქვეს. ამ მოვლენით შთაგონებულმა მილიარდერმა გადაწყვიტა, რომ ფეისბუქის თავისი აქციებიდან 99% საქველმოქმედო ფონდისთვის გადაეცა, რაც 45 მილიარდ დოლარს შეადგენდა. 

ცუკერბერგის განმარტებით, ეს ფული უნდა მოხმარდეს ადამიანური პოტენციალის განვითარებასა და ბავშვებისთვის თანაბარი შესაძლებლობების შექმნას მთელ მსოფლიოში.

გზავნილში, რომელიც ახალშობილს ეძღვნებოდა, ცუკერბერმა თავის ქალიშვილ მაქსს უსურვა, გაზრდილიყო ისეთ სამყაროში, რომელიც ჩვენს მსოფლიოზე უკეთესი იქნებოდა.

 

                                                                                                                                  ფიქრია ჭალიძე

Категория: ცნობილი ადამიანები | Просмотров: 1027 | Добавил: popularsge | Рейтинг: 0.0/0
Всего комментариев: 0
avatar