Главная » 2015 » ნოემბერი » 21 » ფრენსის ბეკონის გამონათქვამები
23:05
ფრენსის ბეკონის გამონათქვამები

დიდი ფილოსოფოსი, მოაზროვნე, ინგლისური მატერიალიზმის ფუძემდებელი. ებრძოდა სქოლასტიკას. 

***
დროის შერჩევა _ დროის მოფრთხილებაა. უდროოდ გაკეთებული საქმე ფუჭია. 

 

***
სწორი გზით მიმავალი კოჭლი გაუსწრებს გზასამცდარ მორბენალს.

 

***
ცოლ-ქმრული სიყვარული ასულდგმულებს კაცთა მოდგმას, მეგობრობა მას აკეთილშობილებს, ავხორცობა შხამავს და ამდაბლებს.

 

***
ადამიანები, რომელთაც მეტად ბევრი ხინჯი აქვთ, უწინარეს ყოვლისა მათ სხვებში ამჩნევენ.

 

***
რჩევის თხოვნა _უდიდესი ნდობაა, რაც შეიძლება კაცმა კაცის მიმართ გამოიჩინოს. 

 

***
სიკვდილის მოახლოება სულით ძლიერთ ნაკლებად აშინებთ, რადგან მუდამ რჩებიან იმად, რაც არიან. 

 

***
ცოდნას უნდა დაეწაფო არა პაექრობის, არა სხვათა დამცირების, არა მოგების, დიდების, ძალაუფლების ან სხვა რამ მიზნისთვის, არამედ იმისათვის, რომ ცხოვრებაში ხალხს სარგებლობა მოუტანო. 

 

***
პატივმოყვარე ადამიანები იმსახურებენ ბრძენთა სიძულვილს, ბრიყვთა აღტაცებას, არიან კერპნი მუქთახორებისა და მონები საკუთარ წადილთა. 

 

***
შიშზე საშინელი არაფერია. 

 

***
ხარბია კაცთა გონება. არც შეჩერება შეუძლია, არც სიმშვიდე, სულ წინ ისწრაფის.

 

***
ყოველ ადამიანში ბუნება შედის ან მარცვლეულის ან სარეველას სახით. დროზე უნდა მორწყას პირველი ა ამოძირკვოს მეორე

Категория: გამონათქვამები | Просмотров: 638 | Добавил: popularsge | Теги: ფრენსის ბეკონის ფრაზები | Рейтинг: 0.0/0
Всего комментариев: 0
avatar