1. ზამთარში სინათლის მოყვარულ მცენარეებს დამატებითი განათება ესაჭიროებათ. ამისთვის რეკომენდებულია 40-ვატიანი ნათურები, რომლებიც უნდა განლაგდეს მცენარეთა წვეროებიდან 20-30 სმ-ის მანძილზე.

2. განსაკუთრებით მიაქციეთ ყურადღება შესაბამისი ტემპერატურის შენარჩუნებას სითბოს მოყვარულ მცენარეებისთვის (ბეგონია, კოლეუსი, სენპოლია, მონსტერა, პალმა). აუცილებელია 18-20⁰C ჰაერის ტემპერატურა. სიცივეგამძლეთათვის (ფურისულა, ჰორტენზია, ყოჩვარდა) საუკეთესოა 12-14⁰C  .

3. ფანჯრის რაფაზე განლაგებული მცენარეები დაიცავით ცივი ჰაერისგან, რისთვისაც საჭიროა ღრიჭოების ამოგლესვა  საგოზავით და ოთახში საჭირო ტემპერატურის შენარჩუნება.

4. უდაბნოს კაქტუსებს აქვს მოსვენების გამოხატული პერიოდი, რომლის დროსაც მათთვის ოპტიმალური ტემპერატურა 8-10⁰C-ია, ამიტომ ზამთარში ისინი უნდა მოთავსდეს გრილ ოთახში ან რაფებზე.