თმის ცვენის წინააღმდეგ იყენებენ შემდეგ მეთოდებს:

* 100 გრამ ჭინჭრის ფოთოლს დააასხით 0,5 ლ. წყალი და 0,5 ლ. ღვინის ძმარი, ხარშეთ ნახევარი საათის განმავლობაში ნელ ცეცხლზე. ამ ნახარშით ძილის წინ დაიბანეთ თავი საპნის გამოუყენებლად.

* დაიბანეთ თმები სუროს ნაყენით.

* წყალში გახსენით თეთრი ქვიშა და ამით დაიბანეთ თმები. შემდეგ ერთი თვის განმავლობაში გამელოტებულ ადგილზე წაისვით რგოლებად დაჭრილი ოდნავ შემწვარი ლიმონი.

თმის ძირების გასამაგრებლად:

* თითო წილ მრავალძარღვას, სალბისა და ჭინჭრის ნარევს დაასხით ერთი ჭიქა მდუღარე წყალი, გააჩერეთ 1 საათი და გაწურეთ. ნაყენს დაუმატეთ შავი პურის გული. თბილი ნაყენი შეიზილეთ თმის ძირებში, მერე თავზე დაიფინეთ პოლიეთილენის პაკეტი და ზემოდან თავსაფარი წაიკარით. ნარევი გაიჩერეთ 2 საათი. შემდეგ თმაზე გადაივლეთ თბილი წყალი და გაიშრეთ.

* მუხის ქერქის და ხახვის ფურცლების თანაბარ რაოდენობას დაასხით 1 ლ. მდუღარე წყალი და ადუღეთ 1 საათი. ძალიან დაბალ ცეცხლზე, გააციეთ და გადაწურეთ. მიღებული ნაყენით დაისველეთ თმა. 2 საათის შემდეგ თავი დაიბანეთ თბილი წყლით.

* ხახვის წვენი და თაფლი დააყენეთ წყლით, დაუბანელ თავზე გადაივლეთ (თმა გახშირდება).

* დანაყული ნიორის ქერქი გაგლისეთ ზეითუნის ზეთში. აურიეთ კარგად და წაისვით თავზე. (თმა ამოვა).

* ასევე კარგია თმის ამოსასვლელად იის ზეთი. ზეითუნის ზეთში დაჭყლეტილი, არომატული ყვავილი ჩაყარეთ და დადგით მზეზე 20 დღე. შემდეგ გამოწურეთ.

* მშრალი კანის შემთხვევაში თავი უნდა დაიბანოთ უსაპნოთ, თბილი წყლით, შემდეგ მსუბუქი მასაჟით შეიზილოთ 10-15 წუთის განმავლობაში სუფრის მარილი და ჩამოიბანოთ წყლით. Pროცედურა უნდა ჩაიტაროთ 6-ჯერ.

* თმის ცვენის საწინააღმდეგოდ შეგიძლიათ იხმაროთ შემდეგი ნარევი: _ 1 წილი კონიაკი, 4 წილი თავიანი ხახვის წვენი, 6 წილი ბარკავას ნახარში (1 სუფრის კოვზი ბალახი ოდუღებული 1 ჩაის ჭიქა წყალზე) შეიზილეთ კვირაში ერთხელ.

* მოსალოდნელი გამელოტებისას შეგიძლიათ სვიის გირჩების ნახარში გამოიყენოთ. შვიის გირჩები უნდა შეაგროვოთ აგვისტო-სექტემბერში, მათ სრულ მომწიფებამდე. 1 ჩაის ჭიქა სვიას დაასხით 1 ჩაის ჭიქა მდუღარე წყალი და ადუღეთ 30 წუთი. გაციების შემდეგ შეიზილეთ თავის კანში.